Bunge kupokea maoni kuhusu Bunge kuridhia Mkataba wa Umoja wa Afrika juu ya Usalama wa Mtandao na Ulinzi wa Taarifa Binafsi wa Mwaka 2014

NA MWANDISHI WETU,DODOMA

KAMATI ya Kudumu ya Bunge ya Miundombinu imepanga kupokea maoni ya wadau  kuhusu Bunge kuridhia Mkataba wa Umoja wa Afrika kuhusu Usalama wa Mtandao na Ulinzi wa Taarifa Binafsi wa Mwaka 2014 [The African Union Convention on Cyber Security and Personal Data Protection, 2014].

Kwa mujibu wa taarifa iliyotolewa Oktoba 20,2026 jijini Dodoma na Kitengo cha Mawasiliano na Elimu kwa Umma cha Ofisi ya Bunge, imeeleza kuwa mkutano wa kusikiliza na kupokea maoni ya wadau kuhusu Bunge kuridhia Mkataba huo utafanyika tarehe 26 Oktoba, 2026 kuanzia saa 4:00 asubuhi, katika  katika Jengo la Utawala.

“Kwa kuzingatia umuhimu wa ushiriki wa wananchi, Kamati inawaalika watu wenye maoni kufika katika Mkutano huo na kuwasilisha maoni yao kabla ya Azimio kupelekwa katika hatua nyingine.”Imeeleza taarifa hiyo

Aidha, maoni yanaweza pia kuwasilishwa kwa njia ya posta kupitia anuani ya Ofisi ya Bunge au kupitia barua pepe ambapo mkataba husika unapatikana pia katika tovuti ya Bunge