DC Mjema awafunda TRA

NA MWANDISHI WETU ARUSHA

DC  Mjema awafunda TRA

MKUU wa Wilaya ya Arusha Sophia Mjema ameitaka Mamlaka ya Mapato nchini (TRA) kukutana na wafanyabiashara ili waweze kujadili na  kujenga mahusiano bora katika utendaji wao wa kazi.

Mjema ametoa wito huo leo jijini Arusha mara baada ya kuzindua  kampeni ya kuhamasisha matumizi ya mashine za  kutolea risiri za kielektroniki (EFD) Kanda ya Kaskazini.

Mjema amesema  ametoa wito huo  kufuatia agizo  lililotolewa na Rais Samia Suluhu Hasan la kuitaka TRA kujenga mahusiano mazuri kati yao na wafanyabiashara.

Amefafanua kuwa TRA imekuwa na mchango mkubwa katika ukusanyaji wa kodi na tozo mbalimbali ambazo zimekuwa zikisaidia kwa kiasi kikubwa serikali ya awamu ya sita kutekeleza miradi mbalimbali ya maendeleo hapa nchini.

Kwa upande wake Mkurugenzi Msaidizi anaehusika na ukusanyaji wa kodi mkoani Arusha Malaki Nyage amesema kampeni hiyo inalenga kutoa elimu kwa wafanyabiashara pamoja na kutambua umuhimu wa kutumia mashine za kutolea risiti ya EFD.

Naye mfanyabishara  Adeline massawe amebainisha  namna mashine za EFD zinavyofakazi ikiwemo  kuwasaidia wafanyabiashara kutunza kumbukumbu zao za malipo.